Juventusi regjistron rekord humbjesh për sezonin 2020-2021. Bilanci është me të vërtetë negativ pasi në bazë të përllogaritjeve që janë bërë deri tani, Juventusi ka pësuar një humbje prej të paktën 191 milionë eurosh.
Humbje të cilat bëjnë të kuptosh vendimin e Juventusit për të hequr dorë me shpejtësi nga Ronaldo dhe u mundua në çdo mënyrë që të sistemonte çdo futbollist të cilin Alegri nuk e shihte si parësor në planet e tij. Nëse konfirmohen nga bordi i klubit që mblidhet javën e ardhshme, këto të dhëna do të shkatërronin praktikisht rekordin negativ të mëparshëm të Juventusit. Ai ishte vendosur në sezonin 2010-2011 dhe ishte vetëm 95 milionë euro humbje. Problemet financiare të Juventusit u pasqyruan në merkato ku bardhezinjtë nuk shpenzuan shuma të majme.
