Ditën e martë, Juventus udhëton drejt Salernos, për tu përballur me skuadrën e Salernitanës, të drejtuar nga trajneri Davide Nicola. Piemontezët, vijnë në këtë takim, me moralin relativisht pozitiv, pas suksesit në Kupën e Italisë përballë Lazios, megjithatë, në Serie A, rezultatet nuk kanë qënë të mira, me humbjen në shtëpi përballë Monzës, që ende nuk është kapërdirë.
Precedentët mes dy skuadrave në kampionatin italian, janë 7, me Juventusin që ka fituar 4, 2 barazime dhe 1 fitore, ajo e datës 2 maj 1999, për kampanët. Takimi i ditës së martë, mund të jetë rasti i duhur për Salernitanën, për të marrë fitoren e dytë ndaj Juves, e cila në tre ndeshjet e fundit, ka marrë vetëm një pikë, duke pësuar 10 gola në po kaq takime.
Përballja e fundit mes dy skuadrave, në stadiumin Arechi, e luajtur më 30 nëntor 2021, përfundoi me rezultatin dy me zero për Juventusin falë golave të Paulo Dybala dhe Alvaro Morata.
Discussion about this post