Trajneri i Juventus, Massimiliano Allegri i ka bërë të ditur drejtuesve të klubit nevojën për një mbrojtës. Me Leonardo Bonuçin që nuk ofron garancinë e dikurshme dhe me Gleison Bremer në merkato, tekniku livornez ndjen detyrimin për të shtuar sigurinë në prapavijë.
I përzgjedhuri është Aymeric Laporte i cili në sezonin e fundit përfundoi në një rezervë luksi te Manchester City i Pep Guardiolës. Në këtë formë, 29-vjeçari është i gatshëm të largohet dhe të nisë një eksperiencë të re ku të ndihet sërish i rëndësishëm e mbi të gjitha titullar. Bardhezinjtë janë të gatshëm t’ia plotësojnë Laporte këtë dëshirë, por problemi qëndron se nuk janë të vetmit në garë për shërbimet e francezit të natyralizuar në spanjoll.
Arsenal është një nga klubet që kërkon të joshë Laporte dhe Topçinjtë kanë një armë si trajneri Mikel Arteta. Ky i fundit ka bashkëpunuar me Laporte te City gjatë periudhës që ishte ndihmësi i Guardiolës dhe ende ruan raporte optimale me mbrojtësin.
Discussion about this post