Juventusi sfidon skuadrën e Chelseat të mërkurën në mbrëmje në një duel ku fitorja është detyrim. Trajneri Masimiliano Allegri ka deklaruar se pavarësisht krizës objektivi është i njëjtë, triumfi në këtë kompeticion ndërsa ka zbuluar një detaj rreth premios për të fituar championsin.
“Sigurisht që e kam, çdokush ka ambicie, çdokush ka dëshirë. Nesër do të luajmë kundër kampionëve të Europës, do të jetë një natë e jashtëzakonshme pavarësisht mënyrës se si do të përfundojë. Do të nevojiten entuziazëm, dëshirë dhe emocione për të luajtur këto ndeshje. Kjo të shtyn të bësh gjëra të jashtëzakonshme, të gjithë duhet të punojmë për të bërë maksimumin.
Të fitosh Ligën e Kampioneve, kampionatin. Vetëm kështu mbërrihet në majë. Jo të thuash “kalojmë grupin dhe të shohim”. Asgjë, Dëshira jonë është të arrijmë në finale. Nuk e di nëse ia dalim, por është një objektiv që duhet të sigurojmë. Njëlloj edhe për titullin, kjo është ajo që bën diferencën. Është dëshira, ambicia për të qenë në një skuadër të madhe. Nuk mund të fitosh çdo vit, sepse janë edhe të tjerët, por të fitosh është e jashtëzakonshme. Megjithatë, ky është objektivi”, tregoi Alegri.
