Barazim pa gola ndërmjet Juventusit dhe Milanit, në ndeshjen e Serie A. Në pjesën e parë, rastin më të mirë e pati Gimenez, me sulmuesin që gjithsesi nuk ia doli që të shënojë.
Në pjesën e dytë, ekipi i Allegrit fitoi penallti, por Pulisic bëri më të vështirën, duke çuar topin jashtë. Edhe bardhezinjtë ndërmorën iniciativën për të sulmuar, por vetëm kaq, pasi shifrat mbeten të njëjta deri në fund.
Kështu Masimiliano Alegri nuk i është gëzuar dot një fitoreje në kthimin e tij si kundërshtar në stadiumin e Juventusit, ku u prit me duartrokitje nga tifozeria vendase. Skuadra e tij i kishte mundësitë ta bënte një gjë të tillë, sidomos me penalltinë e Pulisiç.
Trajneri nuk e pa gjuajtjen, pasi ishte i kthyer me shpinë në momentin që amerikani goditi, duke çuar sferën jashtë. Ai dëgjoi reagimin e publikut dhe më pas u kthye nga asistenti i tij, Landuçi, duke i kërkuar shpjegim për çfarë po ndodhte.
Landuçi i tregoi për mënyrën si gjuajti Pulisiç dhe gabimin me sferën që shkoi jashtë. “Ia kisha thënë që të mos e gjuante penalltinë me të brendshme”, tha Alegri në ato momente, sipas gazetarëve të “DAZN” të vendosur pranë pankinës së kuqezinjve.
Milan renditet në vendin e 3-të. Juventus renditet në vendin e pestë.
gijotina.com/
Discussion about this post