Deklarata e fundit e futbollistit portugez, Joao Felix, se ëndërron që të luajë për Barcelonën, si pritej, nuk është pëlqyer aspak nga tifozët e Atleticos së Madridit, të cilët pritet, që këtë verë, të përjetojnë të njëjtën situatë, si me sagën e transferimit të futbollistit francez Antoine Griezmann, i cili, në 2019, la kryeqytetin spanjoll, për t’u zhvendosur në Barcelonë.
Pasi Joao Felix lëshoi deklaratat “famëkeqe”, tifozët e Atlético Madrid vandalizuan pllakën kushtuar sulmuesit portugez, që ndodhet në afërsi të stadiumit “Metropolitano”.
“K… Shko te Barça” ishte mesazhi që tifozët e “Los Colchoneros” lanë sipër dhe ngjitur me pllakën, ku shkruhet tashmë emri i Joao Felix.
Discussion about this post