Performancë e sulmuesit të kombëtares shqiptare Armando Brojës me Chelsean së fundmi ka rënë në sytë e klubeve të Serisë A.
19-vjeçari rinovoi kontratën me Chelsean për pesë vite të tjera, ndërsa trajneri Thomas Tuchel ka vendosur që ta mbajë me grupin e parë, pas periudhës se huazimit që kaloi me Vitessen në Holandë.
Ndërkohë bazuar në performancën e tij klubi italian i Udineses është duke kërkuar që ta afrojë me huazim shqiptarin.
Nga mediat italiane mësohet se Udinese ka pyetur klubin londinez për gjendjen e lojtarit, duke kërkuar një huazim për sezonin që nis pas tri javësh. Nga Chelsea ende nuk ka një përgjigje dhe duket se gjithçka mbetet në dorë të trajnerit gjerman, Thomas Tuchel, i cili deri më tani nuk ka një opsion më të mirë se Broja në sulm./Gijotina.com
