Kryetari i grupit parlamentar të Partisë Socialiste Taulant Balla ka reaguar sërish për protestën e opozitës më 6 dhjetor. Kjo ditë përkon me samitin e Bashkimit Europian me Ballkanin Perëndimor.
Balla akuzoi Berishën se po proteston për hallin e tij. Teksa shtoi se është një miting për të penguar BE për ta shpallur atë non-grata.
Ai theksoi se Berisha është i papranueshëm edhe për Partinë Popullore Europiane.
Balla: Thirrje për të thirrur mitingje në një ditë feste, dasme, bie ndesh me traditat më të mira të shqiptarëve. Dhe besoj që cdo qytetar e kupton se halli i Saliut është i madh sa një ditë feste e mikrpritje. Për një samit që nuk ka ndodhur asnjëherë ku të gjithë udhëheqësit do të jenë në Shqipëri, therret një miting kundër BE. Viti ka 365 ditë, një ditë kur 6 dhjetori, në raste të tilla ka një nivel të rritur të Sigurisë për shkaqe që lidhen me sigurine e atyre që vijnë. Dhe me atë që po mundohem tju them.
Shqiptari nuk e ka zakon ta presë mikun në protestë por sic duhet. Sic është pritur në vitin 2007, historikisht sic janë pritur miqtë e Shqipërisë. Ne na karakterizon mikëpritja. Është një turp që i takon një personi, Berisha për hallin e tij. Protesta është për të protestuar kundër halleve të non gratës. Komisioni po studion mundësinë për përafrimin e këtyre mekanizmave të shpalljes non grata të personave që minojnë demokracinë dhe Berisha është një prej ketyre personave. Mos u habisni por protesta është për hallin e Saliut. Berisha është i papranueshëm nga Partia Popullore Europiane.
Discussion about this post