Ferland Mendy është përballur me një nga sezonet më të vështira që kur erdhi në Madrid. Mbrojtësi francez për shkak të lëndimeve nuk ka mundur të jetë pjesë e planeve të Carlo Ancelottit. Por pavarësisht kësaj, Mendy ka marrë një telefonatë befasuese në minutën e fundit.
Sezonit po i vjen fundi, në fakt, Real Madrid është një ndeshje larg nga mbyllja totale e “temporadës” 2022-2023. Sigurisht që këtë fundjavë sezoni nuk përfundon për ndërkombëtarët, të cilët do të duhet të bëjnë një paraqitje me skuadrat e tyre.
Në qershor do të jenë angazhimet e fundit para pushimeve të merituara verore. Për këtë arsye, kombëtaret kanë nisur të bëjnë grumbullimet, ku Mendy ka qenë surpriza e madhe e Francës.
Anësori francez është rikuperuar së fundmi nga një dëmtim i rëndë muskulor, i cili e ka privuar prej disa javësh në fushë.
Por, pavarësisht minutave të pakta që Mendy ka shtuar me Real Madridin, Didier Deschamps ka vendosur t’ju thërrasë përballen me ndeshjet kualifikuese të Gjermanisë për Kampionatin Evropian kundër Gjibraltarit dhe Greqisë. Ndaj francezi ka marrë një lajm fantastik, që mund ta ndihmojë në të ardhmen e tij.
Duhet theksuar se Mendy nuk ishte thirrur nga skuadra franceze që nga shtatori i vitit 2022, pra më shumë se nëntë muaj nga thirrja e fundit. Përveç kësaj, lojtari i Real Madridit nuk u thirr për Kupën e Botës në Katar, gjë që ishte një goditje shumë e rëndë për Mendy. Por tani, pas një sezoni shumë të vështirë në nivel personal, francezi ka parë pak dritë pas kaq shumë javësh.
E ardhmja e Mendy është më në pikëpyetje se kurrë, vazhdimësia e tij në Chamartín nuk është plotësisht e qartë. Për këtë arsye, kjo thirrje befasuese me Francën mund ta ndihmojë dhe për sezonin e ardhshëm.
Përveç anësorit francez, Didier Deschamps ka grumbulluar edhe Eduardo Camavinga dhe Aurélien Tchouaméni. Me fjalë të tjera, Real Madridi do të ketë tre futbollistë në angazhimet e skuadrës franceze.
Discussion about this post