Erion Isai ka fituar mandatin e dytë për të drejtuar Bashkinë e Kolonjës. Nga numërimi i të gjitha kutive të votimit Isai është shpallur fitues si më poshtë me 3873 vota. Pas shpalljes së këtij rezultati, Isai nuk e ka fshehur kënaqësinë, teksa tha se katër vitet e ardhshme do ti dedikohen ekonomisë dhe mirëqenies së kolonjarëve.
“Ishte brenda pritshmërive që ne kishim për rezultatin, është më i larti që ka marrë një kandidat për bashkisë e Kolonjës. Gara ishte e qetë, Etemi nuk ishte i qetë, tani ka kohën që të qetësohet. Ekonomia është prioriteti ynë në këto 4 vitet e ardhshme”, tha Isai pas fitores.
Në më shumë se 10 Bashki ka përfunduar tashmë numërimi i votave, ku në shumicë dërrmuese Partia Socialiste është shpallur fituese, si në Pustec, Selenicë, Elbasan, Kamëz, Vorë, Kolonjë, Tepelenë, Peqi dhe kryeson në pjesë tjetër të mbetur të vendit.
Ndërkohë Bashkë Fitojmë ka mundur të sigurojë fitoren deri tani në dy Bashki, në Memaliaj dhe në Pukë.
Discussion about this post