Bryan Johnson po punon për atë që ai e quan “revolucioni më domethënës në historinë e Homo sapiens”. Që sipas tij e bën atë të pavdekshëm.
46-vjeçari është një sipërmarrës teknologjik që ka kaluar shumicën e tre viteve të fundit në ndjekje të një qëllimi të veçantë: të mos vdesë. Gjatë kësaj kohe, ai ka shpenzuar më shumë se 4 milionë dollarë për zhvillimin e një sistemi të zgjatjes së jetës të quajtur ‘Blueprint’.
Ky është një studim ku mjekët marrin të dhënat nga trupi i tij dhe i përdorin për të zhvilluar një regjim të rreptë shëndetësor për të reduktuar atë që Johnson e quan “moshën e tij biologjike.”
Qëllimi është që organet e tij 46-vjeçare të duken dhe të veprojnë si organet e një 18-vjeçari. Johnson thotë se të dhënat e përpiluara nga mjekët e tij sugjerojnë se Blueprint i ka dhënë deri më tani eshtrat e një 30-vjeçari dhe zemrën e një 37-vjeçari.
Johnson ka lëngun e tij të veçantë jeshil. Ai zgjohet në orën 5 të mëngjesit, duke e nisur ditën me një dozë suplementesh dhe ilaçesh si likopeni, zinku dhe metformina, si dhe një mikrodozë litium për trurin e tij. Ai punon një orë çdo ditë, si dhe bën stërvitje me intensitet të lartë tri herë në javë. Ai duhet të respektojë një dietë të rreptë vegane, e cila arrin në 1977 kalori në ditë. Para se të flejë, gjë që ndodh në të njëjtën orë çdo ditë, ai mban syze që bllokojnë dritën blu për dy orë.
Discussion about this post