Një nga çiftet më të komentuara në mediat rozë padyshim janë reperët Loredana dhe Mozzik. Lidhja e tyre e trazuar me bashkime dhe ndarje të herëpashershme ka tërhequr mjaft vëmendje. Dyshja të cilët janë dhe prindër të një vajze, u ndanë vitin e kaluar, duke thënë se do mbeteshin miq të mirë.
Së fundmi, Loredana ka publikuar në Tiktok një video ku shihet duke kënduar “Tomorrow 2” nga Cardi B dhe GloRilla. Një ndjekës e ka pyetur reperen nëse ‘po mendon të martohet’, të cilit i është përgjigjur se ka fobi nga kjo. “Unë kam frikë nga martesa vëlla”, ia ka kthyer reperja e famshme.
Mesa duket kjo frikë lidhet me marrëdhënien që pati me Mozzik, e cila ka pasur shumë ulje dhe ngritje. Sakaq, kujtojmë që Mozzik ka publikuar së fundmi këngën me titull “Të dua”, të cilën ia ka dedikuar së bijës. Përmes këngës, ai flet për historinë e komplikuar me Lorin dhe dhimbjen që nuk jeton pranë Hanës.
Discussion about this post