Numri i lartë i këshilltarëve dhe rrogat e tyre të majme kanë marrë vëmendjen e të gjithëve në listat e pagave të publikuar dje për janarin dhe atë sot për prillin. Ndërkohë, ajo që bie në sy është kryetari i bashkisë së Tiranës, Erion Veliaj, ka më shumë këshilltarë se çdo institucion tjetër, duke krijuar një administratë të fryrë që kushton në xhepat e qytetarëve.
Në Bashkinë e Tiranës rezultojnë plot 17 këshilltarë, një numër ky edhe më i lartë ky edhe nga vetë kryeministri Edi Rama, që rezultonte me 12 këshilltarë. Sakaq, në lista evidentohet se për pagat e këtyre personave shpenzohet një total prej mbi 2.2 milionë lekë, ose e thënë ndryshe 18 mijë euro në muaj, me një përllogaritje rreth 200 mijë euro në vit. Por logjikisht, shpenzimet duhet të jenë edhe më të larta, për shkak se në listpagesa nuk përcaktohen pagat e këshilltarët ligjorë dhe zyrat e marrëdhënies me publikun. Sakaq, fatura që paguan Veliaj çdo muaj rritet edhe më tej me këshilltarët e Ujësjellësit të Tiranës, me një pagesë prej 600 mijë lekë në muaj, ose rreth 5 mijë euro. Një vlerë kjo e lartë vetëm për disa këshilltarë që nuk po bëjnë si duhet punën e tyre, ose të paktën ne nuk po shohim ndonjë rezultat.
Discussion about this post