Ka nisur takimi mes Vjosa Osmanit dhe Miroslav Lajçak

Ka filluar takimi në mes presidentes së Kosovës, Vjosa Osmanit dhe emisarit special të Bashkimit Evropian për dialogun Kosovë-Serbi, Miroslav Lajçak.

Pas takimit me Osmanin, Lajçak pritet që të takohet edhe me kryeministrin e Kosovës, Albin Kurtin duke filluar nga ora 16:00.

Ndërsa, burimet e Shqip.com kanë njoftuar se gjatë ditës së nesërme, Lajçak do të takohet edhe me krerët e opozitës.

Vizita e Lajçakut në Ballkanin Perëndimor nuk përfundon me kaq. Ai do të shkojë më pas edhe në Beograd ku do të takohet me presidentin serb, Aleksandër Vuçiç.

Shqip.com