“Ka një kontradiktë”/ A do dalin të dhëna të reja? Ja si përgjigjet gazetarja Hoxha

Tema më e nxehtë e momentit në Shqipëri padyshim janë sulmet kibernetike nga hakerat iranianë. Në lidhje me këtë temë ka folur dhe gazetarja Anila Hoxha. Ajo u shpreh se hetimi i Prokurorisë është mbështjellë nga një sekret i madh.

“I gjithë hetimi i prokurorisë është i mbështjellë nga një sekret i madh. Ka një diskutim nëse kjo çështje duhet të vazhdojë të trajtohet si e tillë për vepra kaq të lehta, ku pranohet se rrezikohet të cënohet siguria kombëtare.

Ka kontradiktë të madhe se thuhet që cënohet siguria kombëtare, por pastaj thuhet se janë çështje të vogla. Njësia Kibernetike C që merret me këtë hetim, është njësi e brishtë, sepse nuk ka më shumë se 6 ekspertë. Duhet hetim më i specializuar. Për këtë hetim duhet të bashkohen të gjitha institucionet,” tha Hoxha.