Miqësia e ngushtë që u krijua mes Sabianit dhe Ilir Shaqirit brenda shtëpisë së “BBVIP” tërhoqi shumë vëmendjen e publikut. Këngë, dedikime, premtime ishin një pjesë e asaj që u pa nga kjo dyshe kaq simpatike. Por duket se gjërat mes tyre ndryshuan shpejt pas daljes, duke pësuar kështu një krisje.
Sabiani deklaroi disa kohë më parë se balerini kishte ‘përfituar’ nga ai duke lënë të kuptohet se me Ilirin tashmë raporti ishte krisur. Ditën e sotme ai ka sqaruar njëherë e mirë deklaratën që i bëri lëmsh të gjithë.
Sipas këngëtarit deklarata e tij është keqkuptuar, pasi sqaroi se ata kanë përfituar nga njëri-tjetri dhe jo vetëm balerini.
“E keni marrë në kontekstin e gabuar këtë gjë, kemi përfituar nga njëri-tjetri dhe realisht kemi qenë të dy së bashku aty dhe luftonim për njëri-tjetrin.”
Kujtojmë se pas deklaratës së këngëtarit, reagoi edhe fituesi i BBV.
“Mendoj që ne të dy i kemi dhënë shumë njëri-tjetrit, si brenda, edhe jashtë shtëpisë. Kur dikush bën për mua, di t’ia vlerësoj dhe ta rikëmbej pa ma kërkuar askush. Rëndësi ka kur miqtë dinë çfarë bëjnë dhe flasin në situata të ndryshme, për më tepër kur jemi në qendër të vëmendjes dhe para syve të publikut. Gjithsesi, mendoj që Sabiani është njëri nga ata që, nëse më ka qëndruar më afër një herë, i kam treguar që di ta vlerësoj dhjetë herë, si me fjalë ashtu dhe me vepra. Pastaj, fjalët e tepërta janë fukarallëk dhe komentet e lagjes tek unë s’kanë asnjë efekt”.
Duket se dy djemtë nuk e kanë gjetur gjuhën e përbashkët pas përfundimit të lojës. Ndonëse shpeshherë kanë udhëtuar njëri në Itali e tjetri në Shqipëri për t’u takuar, diskutimet mes tyre kanë sjellë ftohjen e marrëdhënieve.
Megjithatë, nga ajo që kemi mundur të mësojmë, bëhet me dije se Sabi dhe Iliri nuk kanë pasur një sherr mes tyre, por një distancim pas disa këndvështrimeve të ndryshmeve që kanë pasur për tema të caktuara.
Discussion about this post