Drejtori sportiv i klubit të Legias, Radoslaw Kucharski ka deklaruar se fundmi se futbollisti shqiptar Ernest Muçi është një lojtar i madh.
Në një konferencë të dhënë për mediat polake ai theksoi se shqiptari ka një potencial të jashtëzakonshëm dhe theksoi se nuk e sheh për të qëndrojë për shumë gjatë te ta, pasi sipas Kucharskit Muçi është për kampionate më të forta se ai ku luan aktualisht.
“Gjatë sezonit të dimrit, tek ne erdhën katër lojtarë, prej të cilëve Artem Szabanov ndoshta do të kishte luajtur një rol të madh nëse nuk do të ishte dëmtimi. Ne sollëm një nga lojtarët më të aktiv të skuadrës për momentin, Ernest Muçin, sipas meje. Djali ka një potencial të jashtëzakonshëm dhe nëse vazhdon të zhvillohet kështu, ai thjesht nuk do të jetë më këtu tek ne, në asnjë mënyrë. Muçi ka aftësi përtej futbollit të Polonisë dhe zhvillimi i tij është i qartë. Erdhi edhe Jasur Yaxshiboyev, i cili përballet me situata të ndryshme, por në fushë është një djalë me potencial, siç e tregon edhe situata aktuale. Nazarij Rusyn ishte një transferim i pasuksesshëm.”-ka thënë ndër të tjera drejtori i Legias.
Ylli i Kombëtares së ‘Shpresave’ e ka treguar se është nga ata lojtarë që bën diferencën në fushë, duke shënuar thuajse në çdo moment që i afrohet portës së kudërshtarëve./K.T/Gijotina.com
