Drejtuesit e klubit të njohur anglez, manchester United, kanë marrë një vendim në lidhje me gardianin e portës së tyre, spanjollin David de Gea.
Nga ajo që bëhet me dije nga mediat angleze, Manchester United ka gjetur akordin me portierin David de Gea për rinovimin e kontratës së spanjollit, por marrëveshja nuk është firmosur ende.
“Doreza e Artë” e këtij sezoni në Premier Ligë, i cili e ruajti portën e paprekur në 17 ndeshje, është në skadencë kontrate, e cila përfundon në 30 qershor. Por portieri më i paguar me 375 mijë paund në javë, ka rënë dakord që të ulë rrogën e tij në “Old Trafford” për të firmosur një kontratë të re.
Palët kanë gjetur akordin dhe është vetëm çështje zyrtarizimi. Me t’u zyrtarizuar marrëveshja, Nottingham Foresti do të aktivizojë klauzolën e kontratës së tyre për të firmosur me portierin e United, Henderson.
32-vjeçari De Gea, i cili luan me “djajtë” që prej vitit 2011, është kritikuar për një seri gafash këtë sezon, por ai sërish mbetet në planet e trajnerit Erik ten Hag sezonin e ardhshëm.
Discussion about this post