Një vajzë 8-muajshe në Itali është rrahur nga partneri i nënës së saj dhe është në gjendje shumë të rëndë në spital. Mjekëve u kishin thënë më parë se vogëlushja kishte rënë nga karrigia, por kishte shumë mavijosje dhe të nxira.
Ajo është shtruar në spital në Bergamo. Por e vërteta ishte ndryshe, pasi është goditur me shqelma e grushte dhe shuplaka të vazhdueshme nga njerku i saj.
Tentativa për vrasjen e foshnjës, për të cilën po heton Prokurori Publik i Pavias, ndodhi pasditen e së shtunës në zonën e Milanos, në një godinë në via Colombo në Casarile (Milano). I akuzuari për dhunën ndaj fëmijës ndodhet aktualisht në paraburgim dhe tashmë ka pranuar përgjegjësitë e tij para hetuesve.
Gjyshja ishte ajo që thirri për ndihmë të shtunën. Familjarët u kanë shpjeguar mjekëve se foshnja kishte rënë nga karrigia e lartë, duke i shkaktuar kështu dëmtime. Duke vërejtur mavijosjen e shumtë tek trupi i vogëlushes, mjekët lajmëruan policin.
Duke parë gjendjen serioze të fëmijës, transferohet më pas në spitalin Papa Giovanni XXIII në Bergamo, departamenti i pediatrisë i të cilit është një nga më të pajisurit në Itali. Prokuroria Publike e Pavias vijon hetimet për zbardhjen e ngjarjes dhe për çdo përgjegjës tjetër, përveç të njerkut tashmë që është në paraburgim.
Discussion about this post