Deputeti i PD, Tritan Shehu ka akuzuar kryeministrin Edi Rama se e ka kthyer vendin në Republikë Kanabisi. Në një postim në “Facebook” Shehu shkruan se sipërfaqet e kultivimit janë shtuar me 50% ndaj vitit të kaluar, teksa deklaratat e Ramës se prodhimi shqiptar ka rënë ngaqë dhe dërgesat drejt Italisë janë ulur, një tymnajë.
“Rama nuk mund të fshehë “Republikën e Kanabisit”! Sipërfaqet e kultivimit janë shtuar me 50% ndaj vitit të kaluar. Dje ai deklaroi se çmimi ndërkombëtar i kanabisit qenka ngritur, ngaqë prodhimi shqiptar ka rënë! Askush nuk mund ta besojë këtë, kur furnizuesit e mëdhenj të Evropës me Kanabis janë vendet e Afrikës së Veriut, përveç prodhimit të vetë saj. Deklaroi se prodhimi shqiptar ka rënë ngaqë dhe dërgesat drejt Italisë janë ulur. Edhe kjo është një tymnajë”, tha Rama.
Sipas Shehut, kultivimi i kanabisit këtë vit është rritur me shifra të mëdha, duke ndikuar dhe në kriminalizimin e institucioneve.
“Asgjë nuk është e vërtetë nga sa tha Rama për kanabisin. Përkundrazi kultivimi këtë vit është rritur në mënyrë galopante, së bashku me forcimin e kriminalitetit dhe kriminalizimin e mëtejshëm të institucioneve tona përgjegjëse, qendrore apo lokale. Guardia di Finanza përfundon më 31 tetor periudhën e identifikimit të sipërfaqeve me kanabis nëpërmjet fluturimeve për këtë vit“, tha ai.
Ndër të tjera, deputeti demokrat shprehet se sipërfaqja e kultivimit është rritur me 50% vitin e kaluar, ndërsa ironizon duke e konsideruar si një premtim elektoral i mbajtur për grupet kriminale.
Ky reagim i Shehut, vjen pas kryeministri Rama tha mbrëmjen e djeshme në një intervistë se sipas tij, është rritur çmimi i hashashit pasi ka mungesë kultivimi dhe prodhimi në vend.
