“Ka sfidën e çmimeve të larta”/ Rama ankohet për dimrin që na pret, ja skenarët e kryeministrit

Kryeministri Edi Rama ka folur për krizën energjitike në Shqipëri. Ai u shpreh nga Shtetet e Bashkuara të Amerikës se dimri do të jetë i vështirë, por jo i frikshëm. Në një intervistë për emisionin “Opinion” Rama deklaroi se sfidat kryesore janë ajo e cmimeve dhe sasia e energjisë së disponueshme.

Rama u shpreh se qeveria ka disa skenarë, duke shprehur vendosmëri për mos rritje të çmimit të energjisë për familjet dhe bizneset e vogla.

Pyetje: Do jetë dimër i frikshëm për Shqipërinë?

Edi Rama: I frikshëm jo, por i vështirë po. Kur them i vështirë kam parasysh që ne duam ta kapërcejmë pa kufizime dhe duam ta kapërcejmë pa prekur çmimin për familjarët dhe biznesin e vogël. Ky është një dimër që ka sfidën e çmimeve të larta, por edhe sfidën për sasinë e energjisë së disponohet.

Me reshjet e ditëve të fundit kemi disa rikuperime.

Ne kemi disa skenarë dhe jemi të vendosur që të kemi një dimër pa kufizime  dhe të kemi një dimër që mos preket çmimi për familjarët dhe bizneset e vogla.