Detaje të reja janë zbardhur nga vdekja e 31-vjeçarit në burgun e Kavajës. Nga dalja e ekspertizës janë zbuluar disa shenja të tjera që hedhin shumë dyshime mbi këtë ngjarje. Sipas burimeve nga grupi hetimor, bëhet me dije se janë gjetur shenja në fytin e të riut. Por këto shenja mendohet se nuk janë shkaktuar vetëm nga vetëvarja. Ende nuk dihet shkaku, ndërkohë pritet njoftimi i plotë nga grupi i ekspertizës që Gledis Nano ka dërguar për të bërë zbardhjen e ngjarjes së rëndë.
Ilvi Meta i cili ishte ndaluar ditën e mërkurë rreth orës 12:00 i ka dhënë fund jetës brenda qelisë duke u vetëvarur, vetëm 6 orë pas shoqërimit nga ana e policisë. I riu u ndalua me akuzën për vjedhje, akuzë për të cilën ishte dënuar edhe më parë. Ai akuzohej për një vjedhje të ndodhur në datën 2 prill në një banesë në Kavajë, për një makinë qepëse dhe prerëse pllakash. Sipas të njëjtave burime ai ishte identifikuar nga shenjat e gishtave të mbetura aty.
Discussion about this post