Vende të ndryshme si dhe vetë populli rus kanë dalë në protestë kundër Putin për pushtimin e Ukrainës. Ditën e sotme, qindra njerëz janë mbledhur në qytetet kryesore evropiane, amerikane, aziatike dhe para zyrave diplomatike ne shenjë solidariteti për popullin e Ukrainës . Protestave i është bashkuar edhe reperi i njohur Mozzik nga Helsinborgu i Suedisë.
Së fundmi ai ka ndarë me ndjekësit e tij në rrjetet sociale Instagram dhe Facebook disa foto nga protesta që po zhvillohet në Suedi. Reperi shihet duke bërë simbolin e shqiponjës me duar në foton e publikuar të cilën e shoqëron me mbishkrimin: “Vetëm thash t’ju tregoj se ka shqiptarë këtej”. Ndërkohë pas tij duken shumë protestues të tjerë me flamurin e Ukrainës dhe banderola në duar.
Portesta janë zhvilluar edhe në Rusi për të dënuar sulmin e vendit te tyre ndaj Ukrainës në ditët e fundit. Pamjet në rrjet treguan protestuesit në Moskë dhe Shën Petersburg, dy nga qytetet më të mëdha të Rusisë, duke marshuar në rrugë ndërsa mbanin pankarta që shkruanin “Jo luftës”. Protestat u raportuan madje deri në qytetin e mbuluar nga bora të Novosibirsk, në rajonin jugor rus të Siberisë.
Discussion about this post