Presidenti i Serbisë, Aleksandër Vuçiç është shprehur ditën e sotme se paqja në rajon duhet të ruhet me çdo kusht. Sipas mediave serbe, Vuçic i tha të përditshmes së Sarajevës Dnevni Avaz se Serbia do të ruajë paqen pa marrë parasysh se çfarë thotë dikush tjetër.
Sipas tij, Serbia fjalë për fjalë po hesht për të gjitha deklaratat politike. Ai tha se disa politikanë nuk e kuptojnë se një deklaratë e gabuar të çon në çmenduri.
“Ka shumë çmenduri në botë dhe çdo çmenduri në rajon do të ishte e tepërt, kështu që le të ruajmë paqen” – tha ai.
Ai tha se bota po kalon krizën më të keqe që nga Lufta e Dytë Botërore dhe shtoi se rajoni do të shohë krahun plotësisht të zgjatur të Serbisë. Vuçiç tha se Serbia ka mjaft grurë dhe miell për ta ndarë me vendet e rajonit.
Discussion about this post