Ish ministrja e Mbrojtjes Mimi Kodheli ka komentuar emrat e rinj të kabinetit qeveritar “Rama 3” e veçanërisht vendimin për më shumë gra në qeveri.
“Pati emra që ju surprizuan? Jo domosdoshmërisht për mua. Janë kolegë, me të cilët punojmë dhe rrimë bashkë. Shumica ishin rikonfirmime”, tha Kodheli.
Mimi Kodheli u shpreh e gëzuar për emërimin e Lindita Nikollës në krye të Parlametit.
“U gëzova pa masë për zonjën Nikolla. Është një kolegë dhe mike e mirë. Besoj se një zonjë në krye të parlamentit e zbut gjuhën. Dominimi i grave në qeveri është pasur me komente seksiste dhe kjo nuk e nderon vendin”, tha Kodheli në një intervistë televizive.
