Anëtari i Këshillit të PD, Fatbardh Kadilli, ka qënë i ftuar sot në emisionin “FrontLine”, ku ka folur për situatën në Partinë Demokratike dhe zgjidhjen e ngërçit të krijuar brenda partisë.
Kadilli tha se do të donte që PD-ja të ishte një lokomotivë që tërheq shumë por për momentin nuk është dhe shqiptarët duan një përgjigje sot. Ai tha se shqiptarët duan të shpëtojnë nga oligarkët dhe PD-ja ka një pjesë të partisë që është shumicë me fuqi thithëse.
“Është detyra jonë si demokrat, e imja, si personi që kam marrë përsipër sfidën për të drejtuar këtë parti që lokomotiva politike të tërheq fort drejt një partie konkurruese”, tha Kadilli.
Kadilli e ka cilësuar Kuvendin e 30 prillit si të zakonshëm sepse nuk u ofrua asnjë program. Sipas tij, ana e keqe e Kuvendit ishte fakti se nuk dha entuziazëm jashtë PD-së. Ai ka thënë për Berishën se ka masën e demokratëve me vete, por çeshtja është të mos e mbaj për vete.
Anëtari i Këshillit të PD-së, shpalljen non grata të Sali Berishës nga SHBA, e ka cilësuar vendim politik i cili nuk ndikon në marrëdhënien e Berishës me PD-në. Ai ka konfirmuar se ish-kryeministri ka shumicën në parti, por sipas tij, duhet të lejojë një lidership të ri.
“Për mua Berisha nuk duhet të kandidojë. Jo sepse është shpallur non grata, janë gjëra të ndara. PD duhet të prodhojë lidership të ri, pengesë është Berisha sepse ai e kontrollon partinë. Unë i bëj thirrje që ta çlirojë”, e ka mbyllur diskutimin Kadilli.
Discussion about this post