Fatbardh Kadilli, i cili dy vite më parë kandidoi përballë Lulzim Bashës për postin e kreut të PD-së, në një intervistë në Euronews Albania, ka komentuar Kuvendin Kombëtar të thirrur nga Lulzim Basha, por edhe lëvizjen e nisur nga Gazment Bardhi.
Kadilli tha se Basha ka treguar se është distuancuar nga e kaluara, ndërsa ka renditur tre pika që e bëjnë të dallueshëm grupin e Lulzim Bashës nga Sali Berisha.
”Basha konfirmoi mbështetjen e një pjese të Partisë Demokratik. Përfufizoi veten si një kundërshtar të Berishës dhe berishizmit.
Këtë e bëri me tre gjëra të rëndësishme, me distancimin nga e shkuara, me sulmin politik ndaj Berishës duke e pozicionuar atë si bashkëpuntorë të Ramës në afera korruptive, e dyta duke marrë qëndrim të qartë pro perëndimorë dhe e treta mbajti një qëndrim të qartë në raport me reformën në drejtësi, shprehu mbështetje ndaj institucionit.
Këto tre pika e bëjnë të dallueshëm grupin e Lulzim Bashës nga Sali Berishës”, tha Kadilli.
Ndërkohë lëvizjen e Gazment Bardhit, Kadilli e konsideron më shumë si një veprim për interesa personale, se sa për PD-në.
“Për fat të keq, zor se mund ta quaja fraksion, por për fat të keq ai grup është duke ndjekur llogaritë e karrierës politike, nuk është duke prodhuar politikë.
Fakti që ata po lëvizin drejt Berishës, nuk është se ata shkuan drejt Berishës duke mbajtur të njëjtat qëndrime që kishin para 6 muajsh, 1 viti apo 2 vjetësh, por shkuan duke ndërruar qëndrimet e tyre”,tha Kadilli.
Discussion about this post