Ish-kandidati për kreun e PD-së Fatbardh Kadilli ka kërkuar rishikim të analizës me 13 pika të hartuar nga demokratët për humbjen në zgjedhjen e 25 prillit.
Kadilli është shprehur se në analizë nuk përmenden problematikat që kanë lidhje me performancën e demokratëve.
“Duhet parë me kujdes, analiza nxit emulacionin. Dikush më mirë, dikush më keq. Raporti sa i përket faktorëve të jashtëm është i mirë, ndërsa për faktorët e brendshëm nuk kanë dalë evidente, ndërkohë që duhet të kishin dalë.
Në këtë analizë nuk përmenden problematikat që kanë lidhje me performancën e PD-së, si reagoi struktura, koha e daljes në terren, cilësia e listave”, ka deklaruar Kadilli.
