Një 60-vjeçar është proceduar penalisht nga policia në Pikën Kufitare të Kakavijës, pasi në çantën që mbant me vete iu gjet një shumë prej 25 mijë euro të cilën nuk e kishte deklaruar.
Shuma e parave, e padeklaruar nga ky shtetas, u sekuestrua në cilësinë e provës materiale.
“Në bazë të analizës të riskut, në dalje të vendit, u kalua për kontroll në vijë të dytë, shtetasi J. K., të cilit iu gjetën në çantë, 25 000 euro. Shuma e parave, e padeklaruar nga ky shtetas konform ligjit në fuqi, u sekuestrua në cilësinë e provës materiale. Në vijim të veprimeve procedurale për këtë rast, specialistët për Hetimin e Krimeve të Drejtorisë Vendore të Kufirit dhe Migracionit Gjirokastër referuan materialet në Prokurori, ku nisi procedimi në gjendje të lirë për shtetasin J. K., 60 vjeç, banues në fshatin Zagori”, njoftoi policia.
Discussion about this post