Nga Shkodra, Drejtori i Përgjithshëm i Agjencisë Kombëtare të Pyjeve kërkoi dënime të ashpra për piromanët që i vendosin zjarrin pyjeve.
Artur Kala kërkoi ndryshimin e kodit penal për këtë vepër penale, teksa vuri theksin edhe te problemi i mbjelljes së kanabisit në pyje dhe kërkoi bashkëpunimin e policisë.
Masa të ashpra në kodin penal për zjarrvënësit. Kjo është kërkesa e Drejtorit të Përgjithshëm të Agjencisë Kombëtare të Pyjeve, Artur Kala teksa ka zhvilluar një takim në Shkodër për menaxhimin e qëndrueshëm të pyjeve.
Sipas tij dëmi më i madh pyjeve u vjen nga zjarri.
Shqetësim mbetet edhe mbjellja e kanabisit në pyje, ku Kala thotë se duhet bashkëpunim i ngushtë me policinë.
Drejtori i agjencisë u bëri edhe një apel qytetarëve që të mbrojnë pyjet.
Discussion about this post