Kryetarja e Komisionit të Apelimit në PD, Adriana Kalaja, ka komentuar deklaratën e kreut të SPAK, Arben Kraja, lidhur me aferën e inceneratorëve. Gjatë një interviste televizive Kalaja thotë se Kraja më shumë sesa të bënte transparencë se ku janë me hetimet, kreu i SPAK tentoi t’i shmanget problemit.
“Është për të ardhur keq sepse e shikoj si një deklaratë populiste, për t’iu shmangur problemit. Prishja diçka tjetër nga një person që është në krye të SPAK, prokuroria më e rëndësishme. Prisja që me fakte konkrete Kraja sot të fliste se ku janë hetimet, nuk dimë në çfarë faze janë hetimet. Dy zyrtarët e lartë që janë arrestuar nëse i shikojmë dhe akuzat që janë ngritur dhe dokumentet që janë marrë në konsideratë nga SPAK nuk kanë lidhje me thelbin e çështjes së inceneratorëve. Ajo që sot bëri zoti Kraja është për të mbuluar atë frikën që ka kapluar SPAK-un për të hetuar çështjen e inceneratorëve.
Desha të komplimentoj të gjithë atë punë voluminoze që ka bërë Partia e Lirisë, ka çuar një bazë të jashtëzakonshme dokumentare. SPAK nuk i duhet shumë të hetojë se nga i shkuan 30 mln euro për një pensioniste që jeton në azilin e pleqve, një tjetër që është larguar nga kjo jetë apo një tjetër që është bari në malet e Greqisë. Provat janë aty, argumentimet ligjore janë të sakta, SPAK i duhet vetëm vullneti për të bërë detyrën. Nuk shikoj vullnet për të bërë detyrën.
Sipas Kalasë, SPAK vepron me urdhër të Ramës dhe kjo vlen edhe në rastin e mosnisjes së hetimeve për kryebashkiakun Erion Veliaj qoftë për aferën e incineratorit të Tiranës apo edhe për shembjen e Tetarit Kombëtar.
Discussion about this post