Xavi Hernandez do të marrë detyrën si trajneri i parë i Barcelonës këtë pasdite, pas largimit nga Al-Sadd të premten e kaluar dhe do të nënshkruajë kontratën deri në qershor 2024. Xavi merr një sfidë të madhe me synimin për të rikthyer Barçën në krye të La Ligas dhe që katalanasit të ndihen krenarë për ekipin e tyre, për lojën e tyre dhe të marrin tituj.
Që në fillim, Xavi nuk do të përballet vetëm me një infermieri të tej mbushur, me 10 lojtarë të lënduar, mes tyre tre sulmuesit që mund të jenë titullarë (Ansu Fati, Dembele dhe Kun Aguero), por do të përballet me një program shumë të vështirë raporton ‘Mundo Deportivo’.
Pas prezantimit të tij sot, Xavi do të drejtojë seancën e parë të punës këtë të martë në orën 11:00, pasi lista me 11 lojtarët e grumbulluar nga kombëtaret, do t’i shtohet 10 të lënduarve.
Kjo situatë e vështirëson punën përpara derbit të datës 20 nëntor në Camp Nou, ku Barça do të përballet me Espanyolin. Për më tepër, për katalanasit është në rrezik edhe krenaria, pasi një fitore e Espanyolit do të bënte që rivali i qytetit ta kalonte atë në klasifikim.
Vetëm tre ditë pas derbit, Xavi do të përballet me një ‘top ndeshje’ në debutimin e tij në Champions League. Të martën, më 23 nëntor, Barça do të presë Benficën në Camp Nou.
Pa pushim dhe pas pritjes së Espanyolit dhe Benficës, Xavi do të debutojë në një udhëtim me Barçën duke vizituar stadiumin e Villarrealit, të cilët janë vetëm dy pikë më pak se katalanasit në renditje. Në fundjavën e datave 4 dhe 5 dhjetor, skuadra e Barçës mund të presë Betisin, e cila tashmë zë vendin e pestë me 21 pikë, vetëm shtatë pas liderit Real Sociedad dhe katër më shumë se Barça.
Të mërkurën më 8, nëse nuk ka mundur të marrë 3 pikët ndaj Benficës, Barça do të mbyllë pjesëmarrjen në Champions League kundër Bayernit në Mynih, me gjermanët të klasifikuar tashmë si të parët në grupin e 1/16-ave.
Kalendari i ardhshëm i Barçës:
Barça-Espanyol ( LaLiga), të shtunën 20 nëntor (21:00)
Barça-Benfica ( Champions) E martë 23 nëntor (21:00)
Villarreal-Barça ( LaLiga), e shtunë 27 nëntor (21:00)
Barça-Betis ( LaLiga), data do të konfirmohet
Bayern-Barça ( Champions), të mërkurën 8 dhjetor (21:00)/K.T/Gijotina.com
Discussion about this post