Kallëzimi i Metës ndaj Autoritetit të Dosjeve, Apeli lë në fuqi fillimin e hetimeve

Gjykata e Apelit ka vendosur hetimin e Autoritetit të Dosjeve, pasi ish-presidenti Ilir Meta e kallëzoi për shpërdorim detyre dhe falsifikim.

Ish-kreu i shtetit, Ilir Meta kallëzoi penalisht Gentiana Sulën, Albert Nikollën, Altin Hoxhën, Gjergj Markun dhe Skënder Vrionin, me pretendimin se kanë falsifikuar dokumentet shtetërore, kanë bërë falsifikim kompjuterik, kanë falsifikuar vulat, stampat apo formularët, kanë shpërdoruar detyrën, kanë përhapur informata të rreme që ngjallin panik si dhe kanë zbuluar akte ose të dhëna sekrete.

Në kallëzimin drejtuar SPAK dhe prokurorisë së Tiranës, Meta kërkonte që të bëhet hetim i plotë, objektiv dhe i pavarur brenda një afati sa më të shpejtë.