Elvin Gokaj do të jetë prokurori i SPAK që do të hetojë kallëzimin që Grupi Parlamentar I PS-së ka depozituar ndaj deputetit demokrat Bledion Nallbati.
Ky i fundit akuzohet nga socalistët për goditje për shkak të detyrës, lidhur me incidentin që ndodhi në sallën e Parlamentit dy ditë më parë, mes Nallbatit dhe kolegut socialist Vullnet Sinaj.
Sipas raportimeve, Gokaj ka kërkuar sekuestrimin e pamjeve filmike dhe kërkoi akte ekspertimi nëse ka pasur dëmtime ose jo të deputetëve.
Në anën tjetër edhe grupi parlamentar i PD-së me kryetar Gazment Bardhin ka depozituar një kallëzim penal ndaj Sinës.
Nuk dihet nëse SPAK do hetojë çështjen ose jo, apo do e përcjellë atë në një tjetër Prokurori, apo do e mbyllë atë për aq kohë sa nuk ka dëmtime mes deputetësh, të paktën asnjë prej tyre nuk ka pretenduar një gjë të tillë, në deklaratat publike.
Discussion about this post