Është kallëzuar në SPAK kryetarja e Bashkisë së Roskovecit, Majlinda Bufi. Ajo është kallëzuar nga PD e Roskovecit, por edhe qytetarët e kësaj bashkie.
Mësohet se Bufi akuzohet për abuzime me tenderat. Bashkë me banorët i pranishëm për të depozituar kallëzimin ishte kryetari i Partisë Demokratike, dega Roskovec, Emels Xhaxhaj, ndërsa ata akuzojnë Bufin për abuzimet me 3 tenderat.
“E kemi dorëzuar kallëzimin në SPAK. Një tender është diku te 200 mln të vjetra e një tjetër 24 mln të vjetra. Janë për rikonstruksion rrugësh, shkollash. tani e pamë të arsyeshme që të depozitonim kallëzimin në SPAK.
Shpresoj që të merret në konsideratë dhe zonja Bufi të merret si e pandehur dhe të japë llogari se si i ka zbatuar kontratat.”, tha Xhaxhaj në një prononcim për mediat.
Discussion about this post