Kaloi 3 persona pa dokumente drejt Greqisë, arrestohet 52-vjeçari në Gjirokastër

Policia e Gjirokastrës ka ndaluar 52-vjeçarin me inicialet A.B., banues në Mallakastër për kalim të paligjshëm të kufirit të tre shtetasve drejt kufirit grek.

Personi në fjalë u ndalua pasi nga hetimet rezultoi se në datën 22.03.2022 ka ndihmuar tre persona të kalojnë kufirin në mënyrë të paligjshme për në shtetin Grek, kundrejt fitimit, pa dokumentacionin përkatës.

Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër për veprën penale “Ndihma për kalim të paligjshëm të kufirit”.