Sokol Ngresi, gjyqtari që kaloi me suksese Vettingun më 11 nëntor të vitit 2020, duket se ka sërish probleme me organet e drejtësisë.
Një ankesë e Komisionerit Publik, në muajin mars 2021, ku u zbulua një kontratë e fshehtë që gjyqtari kishte bërë për blerjen e një apartamenti, rihapi procesin për Ngresin, i cili tashmë rrezikon postin por edhe ndjekjen penale, në rast se dyshimi për të provohet.
Mësohet se, Ngresi ia doli të fshihte një kontratë të vitit 2014, ku ai kishte dakordësuar me një kompani ndërtimi për blerjen e një apartamenti me vlerë 113.4 m2m me vlerë 68 mijë euro. Kjo kontratë e anuluar nga vetë Ngresi u fsheh në procesin e zhvilluar në KPK, duke u zbuluar nga Komisioneri Publik.
Ngresi akuzoi drejtpërdrejt biznesmenin Flamur Kadëna si personin që qëndronte pas këtij komploti, i realizuar sipas tij në bashkëpunim edhe me një ish-gjyqtare dhe me një grup njerëzish që kërkonin largimin e tij nga sistemi.
Edhe pse KPA e mori për bazë ekspertizën e Ngresit, ende nuk ka vendosur të shprehet në favor të tij. KPA pritet që të japë vendimin përfundimtar për të më 24 nëntor 2021.
Discussion about this post