Prokurori i Rrethit Gjyqësor Krujë, Florian Bonjaku, pas kalimit të vettingut në Komisionin e Pavarur të Kualifikimit, nuk i ka përmbajtur emocionet .
Në momentin që ai ka marrë vesh se do të vazhdojë të qëndrojë në detyrë, shkoi dhe i dhuroi puthje e përqafime bashkëshortes së tij, e cila gjithashtu ndodhej në sallë.
Ata kanë injoruar prezencën e kamerave duke shkëmbyer edhe një puthje në buzë në ambientet e institucionit.
Bonjaku iu nënshtrua rivlerësimit në të tri kriteret nga një trupë e kryesuar nga Xhensila Pine, me relator Olsi Komicin dhe anëtare Valbona Sabxhaktarin.
Gjatë seancës dëgjimore në 20 prill u konstatua një kontratë fiktive me vjehrrin dhe transaksionet në shitjen dhe blerjen e dy apartamenteve. Por Bonjaku kundërshtoi gjetjet dhe këmbënguli të konfirmohej në detyrë, gjë që iu pranua.
Discussion about this post