Victor Osimhen dhe Karim Benzema janë sulmuesit më produktiv në Evropë në shtator, me nga gjashtë gola secili.
Ylli i Napolit shënoi një gol në fitoren 2-0 të skuadrës së tij kundër Cagliarit të dielën. Skuadra e Luciano Spallettit ka shijuar një fillim të përsosur të sezonit me gjashtë fitore nga gjashtë ndeshje të Serie A dhe Osimhen ka luajtur një rol kyç në fitoret e Napolit.
Sulmuesi nigerian ka shënuar gjashtë gola në pesë ndeshje në të gjitha garat këtë muaj dhe ai është sulmuesi më produktiv në Kontinentin e Vjetër me Karim Benzema, i cili gjithashtu ka realizuar gjashtë herë në pesë paraqitje.
Lojtari i Borussia Dortmund, Erling Haaland ka një raport më të mirë minute me gol, pasi ka shënuar pesë gola në vetëm tre ndeshje, i ndjekur nga Christopher Nkunku i RB Leipzig i cili ka arritur pesë gola në katër paraqitje në të gjitha garat.
Mattia Destro e Genoas është gjithashtu ndër sulmuesit më pjellorë në Evropë për shtatorin, me katër gola në katër paraqitje. Po aq sa Cristiano Ronaldo dhe Robert Lewandowski.
E njëjta gjë vlen edhe për Edin Dzeko të Interit, i cili shënoi të njëjtën sasi golash si Destro në pesë ndeshje.
Sulmuesit më produktiv në Europë në muajin shtator:
Victor Osimhen dhe Karim Benzema (6 gola në 5 ndeshje)
Erling Haaland (5 gola në 3 ndeshje)
Christopher Nkunku (5 gola në 4 ndeshje)
Marcus Forss (4 gola në një lojë)
Jay Rodriguez (4 gola në 3 ndeshje)
Cristiano Ronaldo, Mattia Destro, Florian Wirtz, Mohamed Salah, Robert Lewandowski (4 gola në 4 ndeshje)
Edin Dzeko dhe Wissam Ben Yedder (4 gola në 5 ndeshje)/K.T/Gijotina.com
