Komisioni i Edukimit miraton me 9 vota pro dhe 7 kundër projektligji për studentët e Mjekësisë.
Studentët e Universitetit të Mjekësisë kanë marrë pjesë në mbledhjen e Komisionit të Edukimit, për t’iu bërë thirrje ligjvënësve që të mos e votojnë të enjten projekt/ligjin që detyron studentët të punojnë deri në 5 vite në Shqipëri dhe më pas të pajisen me diploma.
Një prej studentëve vuri në dukje urgjencën në miratimin e projekt/ligjit, pa konsideruar shqetësimet e shprehura nga ky grup interesi, megjithëse nuk ndodhemi në situatë emergjente. Ndërsa një tjetër, absurdin e dhënies së shërbimit qytetarëve, pa u pajisur me diplomë.
Pas konsultimit brenda dy javëve në komisione parlamentare në atë te edukimit dhe të ligjeve, pritet që në seancen e 20 korrikut, të fundit për këtë legjislaturë, të miratohet drafti për studentët e mjekësisë që i detyron ata të qëndrojnë në Shqipëri deri në 5 vite pas diplomimit.
Ky është kusht i detyrueshëm për studentët që regjistrohen për herë të parë në Fakultetin e Mjekësisë vitin e ri akademik, ndërsa për studentet e viteve të dyta deri në të gjashta, detyrimi për të punuar është deri në 3 vite, ose mund të zgjedhin të paguajnë tarifën e studimit 13-14 herë më shumë nëse kundërshtojnë mbajtjen e diplomës pas përfundimit të shkollimit.
Discussion about this post