Kalonte emigrantë në mënyrë të paligjshme, arrestohet 58-vjeçari

Policia e Shkodrës ka vënë në pranga një 58-vjeçar. Mësohet se shtetasi T.B akuzohet për transport të paligjshëm të emigrantëve.

Në njoftimin e policisë theksohet se 58-vjeçari është kapur në flagrancë nga shërbimet e Policisë, duke qarkulluar në aksin rrugor “Bajzë – Hot”, me  një automjet  tip  “Ford”.

58-vjeçari po transportonte 2 emigrantë pakistanezë, me qëllim kalimin e paligjshëm të kufirit nga ana e tyre, me destinacion final vendet e BE-së.

Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.