Bojan Jovanovski, i dënuari në rastin “Haraçi”, i ka dërguar shkresë kreut të Prokurorisë për Ndjekjen e Krimit të Organizuar dhe Korrupsionit, Islam Abazi, duke i thënë se do t’i dorëzojë “bomba” dhe dëshmi për krimin në strukturat më të larta shtetërore.
“Unë, tashmë i dënuari Bojan Jovanovski me nofkën Boki 13, për faktin se kam njohuri dhe dëshmi për krime të kryera nga persona të profilit të lartë nga sfera e politikës, sistemit të drejtësisë dhe elitës së biznesit, kërkoj të paraqitem përpara jush menjëherë dhe pa vonesë, për të bërë kallëzim penal dhe për t’ju dorëzuar të gjitha provat që kam në formë të bisedave të regjistruara audio, transkripteve dhe komunikimeve telefonike të bëra në formë mesazhesh, fotosh dhe video incizimesh”, thuhet në letrën e Boki 13.
Në letrën drejtuar prokurorit publik, Boki 13 kërkon që në procesverbal të dorëzohen kallëzime penale që kanë të bëjnë me persona dhe ngjarje të lidhura me vepra korruptive, kriminale dhe veprime kriminale të personave nga strukturat më të larta shtetërore nga sfera e politikës, drejtësisë, elita e biznesit dhe persona të tjerë që ishin në korrelacion të përbashkët veprimi.
Ai ka bërë të ditur se me paraqitjen e kallëzimit penal do të dorëzojë të gjitha provat në mbështetje të akuzës, ndërsa provat që disponon janë në formë të bisedave të incizuara, transkripteve, mesazheve, regjistrimeve fotografike dhe video.
Discussion about this post