Beatrix Ramosaj vijon të jetë mjaft e komentuar. Ndonëse janë bërë disa javë që nga përfundimi i “Big Brother VIP”, këngëtarja merr gjithmonë e më shumë vëmendjen. Kjo për shkak se vetëm pak ditë pas finales së madhe, Trixa dhe Donaldi i dhanë fund romancës që lindi brenda shtëpisë së famshme.
Së fundmi, këngëtarja ka ndarë disa foto në rrjetin e saj social Instagram ku shihet bashkë me kushërirën e saj, Anxhelina Hadërgjonajn dhe mikeshat e tyre. Ata janë argëtuar në një klub megjithëse nuk kanë zbuluar se ku ndodhen. Por fjalët që ka shkruar krahas fotove kanë tërhequr vëmendjen e të gjithë fansave të saj.
“Kur fillova të numëroja bekimet e mia, kuptova se kam gjithçka që mund të kisha nevojë”, ka shkruar këngëtarja.
Kjo është parë si një “thumb” ndaj Donaldit duke nënkuptuar se nuk është e shqetësuar nga mungesa e tij. Mirëpo, një tjetër detaj që ka bërë Trixa është parë si i qëllimshëm.
Ajo ka postuar një video të një personi të veshur si Spiderman. Dihet tashmë që Donaldi është një adhurues i Spiderman.
Kujtojmë se, në festën që u organizua pas përfundimit të “Big Brother VIP”, aktori u vesh si një i tillë.
Discussion about this post