Rishi Sunak, një nga pretendentët kryesore për të zëvendësuar Boris Johnson në postin e Kryeministrit është përfshirë në një skandal, pas një video që po qarkullon së fundmi në rrjet.
Videoja e cila tregon Sunak në moshën 20-vjeçare duke folur në një dokumentar të BBC-së, për serialin “Klasat e mesme: Ngritja dhe shtrirja e tyre”, në 2001, dhe ku shprehet se ai nuk ka miq nga ‘klasa punëtore’, por vetëm nga shtresa e pasur dhe aristokracia. Videoja është bërë virale.
Duke u paraqitur në dokumentar si një student i mrekullueshëm në vitin e tij të fundit në Universitetin e Oksfordit, Sunak përshkroi botën në të cilën jetonte dhe që duhet thënë se s’është aspak e thjeshtë pasi ai vjen nga një familje miliarderësh. “Unë kam miq që janë aristokratë, kam miq që janë të klasës së lartë, kam miq që janë, e dini, klasë punëtore, por… mirë, jo klasë punëtore. Por unë përzihem në shoqëri dhe shkoj të shoh fëmijët nga një shkollë shtetërore në qytet dhe t’u them që të aplikojnë në Oksford dhe flas me ta për njerëz si unë. Më u them se isha në Winchester, dhe shoku im më i mirë është nga Eton ose çfarëdo tjetër, dhe më pas ata thonë, ‘oh ok’”, dëgjohet të thotë Sunak në video.
Publikimi i disa fraksioneve të videos në Twitter përveçse kanë tërhequr miliona, kanë marrë edhe shumë komente negative, me një prej tyre që thotë: “Imagjinoni të jeni aq të pasur që duhet të bëni dallimin midis aristokratëve dhe klasës së lartë. I çmendur që Rishi Sunak mund ta thotë këtë me zë të lartë”. Ndërkohë një tjetër shprehet:“Ai është aq larg nga publiku i gjerë, sa nuk duhet të bëhet kurrë kryeministër”.
VelvickChris shtoi: “Përshëndetje Rishi Sunak, a ke ende ndonjë shok të klasës punëtore? Nëse jo, provo të marrësh me qira disa për fushatën tënde të udhëheqjes”.
Për videon në fjalë ka reaguar edhe gazetari Basit Mahmood, i cili shkroi në Twitter: “Mos harroni se shumica e fëmijëve të klasës punëtore me prejardhje të pakicave etnike nuk shkojnë në Winchester ose shkolla përgatitore”.
Discussion about this post