Thellohet gara në Britaninë e Madhe për të zënë vendin e Boris Johnson si kryeministër i shtetit ishullor. Sipas medias britanike, gara po bëhet e fortë veçanërisht mes Rishi Sunak dhe Liz Trues, të cilët janë dy kandidatët më fortë. Kujtojmë se Johnson dha dorëheqjen si udhëheqës i partisë në fillim të këtij muaji pas një sërë skandalesh që çuan në dhjetëra dorëheqje ministrore. Dhjetë konservatorë morën pjesë në garë për ta zëvendësuar dhe gjatë pesë raundeve të votimit, anëtarët e parlamentit i zvogëluan ato në dy.
Sunak fitoi 137 vota dhe Truss mori 113 vota në raundin përfundimtar, ndërsa Penny Mordaunt me 105 vota humbi. Tani rreth 160,000 anëtarë të partisë do të thonë fjalën e tyre dhe në shtator do të shpallet fituesi, dhe kryeministri i ardhshëm. Rishi Sunak, një nga pretendentët kryesore për të zëvendësuar Boris Johnson në postin e Kryeministrit është përfshirë më herët në një skandal, pas një video që po qarkullon së fundmi në rrjet. Videoja e cila tregon Sunak në moshën 20-vjeçare duke folur në një dokumentar të BBC-së, për serialin “Klasat e mesme: Ngritja dhe shtrirja e tyre”, në 2001, dhe ku shprehet se ai nuk ka miq nga ‘klasa punëtore’, por vetëm nga shtresa e pasur dhe aristokracia. Videoja është bërë virale.
Duke u paraqitur në dokumentar si një student i mrekullueshëm në vitin e tij të fundit në Universitetin e Oksfordit, Sunak përshkroi botën në të cilën jetonte dhe që duhet thënë se s’është aspak e thjeshtë pasi ai vjen nga një familje miliarderësh. “Unë kam miq që janë aristokratë, kam miq që janë të klasës së lartë, kam miq që janë, e dini, klasë punëtore, por… mirë, jo klasë punëtore. Por unë përzihem në shoqëri dhe shkoj të shoh fëmijët nga një shkollë shtetërore në qytet dhe t’u them që të aplikojnë në Oksford dhe flas me ta për njerëz si unë. Më u them se isha në Ëinchester, dhe shoku im më i mirë është nga Eton ose çfarëdo tjetër, dhe më pas ata thonë, ‘oh ok’”, dëgjohet të thotë Sunak në video.
Discussion about this post