Deputeti shqiptar në Parlamentin e Serbisë, Shaip Kamberi, ka deklaruar ditën e sotme në një intervistë televizive se, zgjidhja e ngërçit Kosovë-Serbi, do të ketë përmirësim të pozitës së shqiptarëve në Luginën e Preshevës. Sipas tij, dialogu duhet të avancojë, sepse për momentin Serbia nuk jep asnjë garanci për respektimin e të drejtave të shqiptarëve.
“Me marrëveshjen përfundimtare do të duhej të kërkohej reciprocitet edhe për komunitetin shqiptar në serbi, pasi për momentin të drejtat e shqiptarëve në Serbi janë të rrezikuara. Për shqiptarët e Luginës së Preshevës është e dëshirueshme autonomia politiko-territoriale me të drejtë bashkimi me Kosovën. Megjithatë për momentin nuk është se varet diçka nga dëshirat tona”, tha ai,
Sipas tij, kjo nuk është relative, pasi serbët në Kosovë kanë më shumë të drejta se standardet evropiane. “Kosova e ka problem pasi nuk mund të ndryshohet Kushtetuta pa miratimin e serbëve. Serbët sigurisht se nuk do të pajtohen për ndryshimet kushtetuese nëse iu ulen privilegjet”, tha Kamberi, duke theksuar se duhet të përpiqemi që edhe shqiptarët në Serbi të gëzojnë të drejta të barabarta.
Discussion about this post