Një 48-vjeçar me profesion kameraman, i identifikuar si Denis Simaku, është marrë me forcë në një automjet dhe është dhunuar nga katër persona në Durrës. Policia ka reaguar pas kallëzimit të 48-vjeçarit dhe ka identifikuar autorët e dyshuar si Anderson Kodra, 27 vjeç, Klerjan Kodra, 31 vjeç, Jaho Kodra, 35 vjeç, dhe Samuel Puja, 27 vjeç, të gjithë banues në Durrës.
Sipas njoftimit zyrtar të policisë, pas kallëzimit të Simakut, shërbimet e Komisariatit të Policisë Durrës kanë organizuar punën për identifikimin dhe arrestimin e autorëve. Si rezultat i veprimeve hetimore, janë identifikuar shtetasit e përfshirë në këtë akt të dhunshëm.
Pas veprimeve të para hetimore, policia ka mundur të gjejë dhe sekuestrojë automjetin e përdorur nga autorët gjatë kryerjes së kësaj vepre penale.
Ndërkaq, 48-vjeçari Denis Simaku ndodhet në kujdesin e mjekëve dhe fatmirësisht është jashtë rrezikut për jetën. Policia e Durrësit njofton se po punon për kapjen e katër personave të identifikuar dhe për dokumentimin e plotë të rrethanave të këtij rasti. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme.
Discussion about this post