Kreu i PD Sali Berisha ka komentuar kamerat e sekuestruara në Shkodër, që dyshohet se janë vendosur nga grupet kriminale.
Berisha shprehet se ngjarja tregon se bandat kontrollojnë territorin, por edhe qeverinë, gjykatat, prokurorinë etj, duke e kthyer Shqipërinë në vend krimi.
“Krimi kontroll të rreptë të territorit.
Bandat kanë vendosur krahas policisë kamera speciale në shtyllat elektrike në rrugët dhe sheshet e qytetit të Shkodrës për kontrollin e qytetit. Si Shkodra, në sundimin e krimit është e mbarë Shqipëria. Bandat kontrollojnë jo vetëm territorin, por dhe vendimarrjen: në rruge, në zyra, në polici, gjykata, prokurori, qeveri, parlament dhe çdo gjë!
Ky është narkoshtet!”, shkruan Berisha.
Discussion about this post