Kamionçina përplas “Golfin” në Korçë, një e plagosur

Një aksident automobilistik është regjistruar pasditen e kësaj të diele në aksin rrugor Korçë-Maliq, pranë fshatit Vloçisht.

Nga informacionet paraprake mësohet se një kamionçinë është përplasur me një automjet tip “Golf”. Burime bëjnë me dije se si pasojë e aksidentit është plagosur një pasagjere e mjetit “Golf”.

E plagosura është dërguar me urgjencë në spitalin e Korçës, teksa mësohet se ndodhet jashtë rrezikut për jetën.

Grupi hetimor po punon për zbardhjen e plotë të rrethanave të aksidentit.