Aksident në Tepelenë/ Kamionçina përplaset me trajlerin, një i plagosur

Një aksident automobilistik ka ndodhur mëngjesin e sotëm në Tepelenë. Bëhet fjalë për një kamionçinë dhe një trajler, të cilët janë përplasur me njëri-tjetrin.

Për pasojë, ka mbetur i plagosur drejtuesi i kamionçinës tip “Benz”, shtetasi me iniciale K.S.

Ai është transportuar menjëherë në spital për të marrë ndihmën e nevojshme.

Njoftimi zyrtar i policisë

Tepelenë/Informacion paraprak

Rreth orës 09:05, në aksin rrugor Ura e Leklit-Këlcyrë, në afërsi të fshatit Dragot, është përplasur automjeti tip “Benz” (kamionçinë), me drejtues shtetasin K. S. dhe automjeti tip “Scania” (trailer), me drejtues shtetasin P. I.

Për pasojë është lënduar drejtuesi i automjetit tip “Benz”, shtetasi K. S., i cili është transportuar në spital, për të marrë ndihmën mjekësore.

Në vendngjarje ndodhet grupi hetimor dhe po punon për zbardhjen e shkaqeve të aksidentit.